مسكته. لقيت من جوه نقش صغير جدًا. لصافي... بنتي. انهرت. فضلت ماسكة الخاتم في إيدي، وبعيط زي الطفلة. وقتها عماد قال هو كان بيقول إن لو عنده حاجة واحدة يسيبها لك، فهي دي. قلت بس ليه ما ادانيهوش بنفسه؟ رد يمكن لأنه كان عارف إنك هتعيطي. ضحكت وسط دموعي. كان عارفني كويس.
قال كان أكتر واحد يعرفك. وبينما إحنا قاعدين، سمعنا صوت المفتاح في الباب. اتخضيت. عماد وقف. الباب اتفتح. دخل حمدي. أخو أبويا. بص لنا وقال لقيتوها؟ قلت أيوه. بص للرسالة. يبقى كده كل حاجة وصلت لصاحبتها. سألته إنت كنت عارف؟ قال كنت عارف إن فتحي مخبي الرسالة. بس ما كنتش عارف إمتى هتوصلك. قلت ليه كل الناس كانت مستنية اليوم ده؟
حمدي ابتسم بحزن. لأن فتحي كان شايف إنك لازم توصلي للحقيقة بإرادتك. مش عشان حد يفرضها عليكي. سكت شوية. وبعدين قال وعشان كده ما حدش فينا كان عايز ييجي يفتحلك الماضي بنفسه. قمت. أنا كنت فاكرة إن عندي أب واحد. بصيت للصورة. طلع عندي ناس كتير كانوا بيحموني. حمدي قال أيوه. بس أهم واحد فيهم كان فتحي. هز راسه. أيوه. في اللحظة دي، حسيت إن آخر قطعة في الحكاية ركبت مكانها.
أمي ماتت بدري. أبويا مات وأنا صغيرة. لكن ربنا بعت لي فتحي. راجل ما كانش مجبور يربيني. ولا كان مجبور يتحمل كل مسؤولياتي. ولا كان مجبور يصرف عليا. ولا كان مجبور يفضل جنبي وأنا أكبر. لكنه اختار. كل يوم. كل سنة. كل مناسبة. اختار يكون أبويا. بعد أسابيع، بدأت أقفل كل الملفات القديمة. الأرض اتسجلت باسمي. البيت القديم احتفظت بيه. مش عشان قيمته. لكن عشان ده كان المكان اللي أمي عاشت فيه آخر أيامها.
وحطيت صورة أمي وفتحي جنب بعض. وفي النص صورة ليا وأنا طفلة. وكتبت تحت الصور أمي اختارتلي أبويا. أما الصندوق، فحطيته في مكان آمن. والخاتم لبسته. من يومها ما خلعتهوش. وفي أول عيد بعد وفــ,,ـــــاه فتحي، جمعت أولادي حواليا. عملت الفطير بالسكر. ابني ضحك وقال ماما، إنتِ ليه كل سنة بتعملي الفطير ده؟ بصيت لصورة فتحي. وقلت عشان جدكم كان بيعملهولي. سألني هو كان بيحبك قوي؟ ابتسمت. أكتر مما تتخيل. كان باباكي؟ سكت لحظة.
وبعدين قلت كان أبويا بالاختيار. ابني ما فهمش. فقلت فيه ناس ربنا بيجمعك بيهم بالدم. وفيه ناس ربنا بيجمعك بيهم بالرحمة. وفتحي كان من الناس اللي ربنا بعتهم لي رحمة. وفي كل سنة، كنت بحكي لأولادي نفس الحكاية. مش عن الميراث. ولا عن الأوراق. ولا عن الأسرار. كنت بحكي لهم عن الوعد. عن راجل وعد ست قبل مــ,,ـــــوتها إنه يحمي بنتها.
ووفى بوعده أكتر من عشرين سنة. كنت بحكي لهم إن الأب مش كلمة بتتكتب في شهادة. الأب موقف. الأب أمان. الأب هو اللي يشيلك لما تقع. ويسندك لما تتعبي. ويفضل جنبك حتى لما تكبري وما تبقيش محتاجاه بنفس الشكل. وفي ليلة من الليالي، بعد سنوات من كل اللي حصل، كنت قاعدة لوحدي قدام صورة فتحي.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.